एजेन्सी : नेपालले सन् २०२१ मा भारतमा हुने टि ट्वान्टी विश्वकपको लागि सोझैं ग्लोबल छनोटमा पुगेको छ । यसअघिको जसरी नेपालले अब एसिया रिजन बी र एसिया टि ट्वान्टी क्वालिफयार खेल्नु पर्ने छैन ।
अन्तराष्ट्रिय क्रिकेट परिषद (आईसीसी) ले विश्वकपका लागि बिहिबार निकालेको रोडम्याप अनुसार नेपालले सिधै ग्लोबल छनोट खेल्ने मौका पाएको हो ।
आईसीसीको जनवरी १ मा सार्वजनिक भएको टी–ट्वान्टी वरियताका आधारमा नेपाल सिधै ग्लोबल छनोटका लागि छनोट भएको हो । नेपालसंगै जिम्बाबे, हङकङ र युएईले सिधै ग्लोबल छनोटमा स्थान बनाएका छन् ।
ग्लोबल छनोटमा १६ राष्ट्रले प्रतिस्पर्धा गर्ने छन् । नेपालसंगै जिम्बाबे, हङकङ र युएईले क्षेत्रिय छनोटबाट आएका १२ राष्ट्रसंग विश्वकपमा स्थान बनाउनका लागि खेल्ने छन् । ग्लोबल छनोटबाट उत्कृष्ट चार टिमले विश्वकपमा सहभागिता जनाउन पाउने छन् ।
यस्तै यसै वर्ष अष्ट्रेलियामा हुने विश्वकप टी-ट्वान्टीमा छनोट भएका १२ टिमले भने सिधै प्रतियोगितामा स्थान बनाएका छन् । ग्लोबल छनोट ८र८ राष्ट्रको विभाजन गरी सन् २०२१ को मार्च देखि जुलाई सम्म चल्ने छ ।
