पोखरा — प्रसिद्ध पर्यटकीयस्थल अन्नपूर्ण आधार शिविर जानेक्रममा सम्पर्कविहीन विदेशी पर्यटक, नेपाली गाइड र भरियाको खोजीमा हेलिकप्टर परिचालन गरिएको छ ।पोखरा बिमानस्थलबाट सिम्रीक एयरको हेलिकप्टर खोजी र उद्धारका लागि गएको हो ।
वडाध्यक्ष हिम गुरुङको नेतृत्वमा ५ सदस्यीय टोली अन्नपूर्ण आधार शिविर, माछापुच्छ्रे आधार शिविरलगायत स्थानमा गएको सिम्रिक एयर पोखराका इन्चार्ज कमल गौतमले जानकारी दिए।
शुक्रबार विहान ११ बजेतिर आएको हिमपहिरोमा परि ५ कोरियन, एक चिनियाँ र २ नेपाली सम्पर्क विहीन रहेको कास्की प्रहरी प्रवक्ता डिएसपी राजकुमार केसीले जानकारी दिए। केसीका अनुसार ११ जनाको टोलीमध्ये ५ कोरियन र सम्पर्कमा आएका छन्।
कास्कीको अन्नपूर्ण गाउँपालिका–११ हिमालय र देउरालीको बीचमा पर्ने हिङकु भन्ने स्थानमा आएको हिमपहिरोमा उनीहरु परेको आशंका छ।
स्थानीयले पनि पैदल हिडेर सम्पर्क विहिनको खोजीमा लागेका छन्। होटल बन्द गरेर हिमपहिरो गएको ठाउँमा गइरहेको स्थानीय देवकाजी गुरुङले बताए। ‘हिउँले हिड्नै गाह्रो छ। बाटो अप्ठेरो छ’ टेलिफोनमा उनले भने, ‘हामीले सकेसम्मलाई उद्धार गरिरहेका छौ।’
कान्तिपुर बाट
