रेखा थापा त्यसै राजनीतिमा चाहिँ पक्कै लागेकी होइनन्। जसरी राजनीतिज्ञमा जनतालाई ढाँट्ने बानी छ, त्यस्तै बानी रेखाको दर्शकलाई ढाँट्ने छ। किनकि, नेताले दुनियाँभरिका वाचा गरेर पूरा नगरेझैँ रेखा पनि फिल्म बनाउने घोषणा गर्छिन्, पूरा गर्दिनन्।
रेखाले ‘कसले चोर्यो मेरो मन(को सिक्वेल बनाउने घोषणा गरेको लामो समय भइसक्यो, फिल्मको चालचुल छैन। यसपछि उनले उनका फेभरेट निर्देशक सबिर श्रेष्ठलाई लिएर ‘रत्ना( बनाउने घोषणा गरिन्। अझ यो फिल्मको त प्रदर्शन मिति पनि तोकिएको थियो, २०७५ सालको दशैँ। तर, यो फिल्म पनि फ्लोरमा गएन। घोषणा गर्ने क्रमलाई निरन्तरता दिँदै रेखाले यो साल रेनेशा बान्तवा राईलाई लिएर फिल्म बनाउने घोषणा गरिन्।
नाम त बाहिर आएको थिएन तर रेखा र रेनेशाले गाला जोडेका थुप्रै फोटा मिडियामा आएका थिए, जसले यो फिल्म नबन्ने कल्पना गर्न पनि गाह्रो हुन्थ्यो। तर, स्रोतका अनुसार अहिले यो फिल्म पनि नबन्ने भएको छ। अब केही दिनमा रेखाले नयाँ फिल्म बनाउने घोषणा गरिन् भने अचम्म नमान्दा हुन्छ। बनाउनुपर्ने होइन, घोषणा गर्दिने त हो !
अन्नपूर्णपोष्टको सम्पूर्णबाट साभार गरिएको
