काठमाडौँ: तेह्रौँ दक्षिण एसियाली खेलकुद (साग) अन्तर्गत मंगलबार अन्तिम दिन फुटबलको प्रतिस्पर्धा हुने त्रिपूरेश्वर स्थित दशरथ रंगशाला बाहिर प्रहरी र दर्शकबिच झडप भएको छ ।
भुटानसँग हुने नेपालको फाइनल खेलको टिकट लिन गएका दर्शकहरु टिकट सकिएको थाहा पाएपछि विरोधमा उत्रिएका थिए । त्यसपछि प्रहरीले उनीहरुमाथि लाठी चार्ज गरेको हो ।
दर्शकमाथि गरेको लाठी प्रहारको फोटो खिचिरहेका पत्रकार सुमन चापागाईँमाथि पनि प्रहरीले आक्रमण गरेको छ । पत्रकार चापागाईँको कानमा चोट लागेको छ । प्रहरीले केही दर्शकलाई भ्यानमा राखेर लगेको त्यहाँ रहेका पत्रकारहरुले बताएका छन् ।
दशरथ रंगशालाको क्षमता १५ हजार दर्शकको हो । साग फाइनलका लागि टिकट खुलेको तीन घण्टा नपुग्दै सकिएको थियो । देश शञ्चार
