सुर्खेत : पूर्वी सुर्खेतको गुर्भाकोट नगरपालिकामा १६ औं राष्ट्रिय महिला स्वास्थ्य स्वयं सेविका दिवस भव्यताका साथ मनाइएको छ ।
‘गाउघरमा महिला स्वास्थ्य स्वयं सेविका , स्वास्थ्य प्रवर्दमा अहम् भूमिका’ भन्ने मुल नाराका साथ बिहिबार देशभरका साथै गुर्भाकोटमा पनि यो दिवस मनाइएको हो ।
नगरपालिका को प्राङ्गण वाट बृहत् ¥याली सहित नगर परिक्रममा गरेका स्वयंसेविकाहरुले नगरपालिकाको सिटि हल मेहलकुनामा औपचारिक कार्यक्रमको आयोजना गरी दिवस मनाए । महिला स्वास्थ्य स्वयं सेविका कार्यक्रम तत्कालिन श्री ५ को सरकारले २०४५ सालमा स्थापना गरेको थियो । यद्यपी दिवस भने नेपालमा २०६१ साल देखि मनाउन शुरु गरिएको हो ।
नगरप्रमुख हस्त पुनले देशै भरिका मातृ र शिशुको स्वास्थ्यका क्षेत्रमा महिला स्वास्थ्य स्वयं सेविका हरुको अतुलनिय योगदान रहेको बताए । कार्यक्रममा बोल्दै नगर प्रमुख पुनले स्वास्थ्य स्वयंसेविकाहरुकै निगरानीका कारण मातृ र शिशुहरुले आराम संग जीवन अगाडि बढाउन सहज भएको बताए ।
त्यस्तै, उप–प्रमुख मैना बिकले समाजको बृहत्तर हित र राष्ट्र निर्मार्णमा महिला स्वस्थ्य स्वयं सेविकाहरुको योगदानको कदर गर्नुपर्ने उल्लेख गर्दै समय सापेक्ष राज्यले दिएको सेवा सुविधा बढाउन माग गरिन् ।
सामाजिक बिकास मन्त्रालयबाट १५६ जना महिला स्वास्थ्य स्वयं सेविकाहरुलाई बिनियोजन गरिएको रकम प्रति ब्यक्ति १० हजारका दरले जनस्वास्थ्य सेवा कार्यालय मार्फत बितरण गरिएको थियो ।
कार्यक्रममा २१ जना स्वयं सेविकाहरुलाई उत्कृष्ट कार्य सम्पादन गरे बापत नगद तथा प्रमाण पत्र प्रदान गरिएको थियो । कार्यक्रम गुर्वाकोट नगर पालिका कार्यालयका निमित्त प्रमुख प्रशासकीय अधिकृत देवकिरण वुढाको सभापतित्वमा सम्पन्न भएको हो ।
कार्यक्रममा चित्र बहादुर के सि, नेपाल स्वास्थ्यकर्मी संघ राष्ट्रिय उपाध्यक्ष एवम् स्थानीय तह कर्मचारी युनियन संघ कर्णाली प्रदेशका अध्यक्ष किरण ओलि, गुर्वाकोट नगरपालिका स्वास्थ्य शाखा प्रमुख महेश पुरी, जनस्वास्थ्य सेवा कार्यालय सुर्खेत का जनस्वास्थ्य अधिकृत दुर्गा प्रसाद श्रेष्ठ, गुर्वाकोट नगर पालिका का शाखा अधिकृत मेघराज सोनि लगायत स्थानीयहरुको उपस्थिती रहेको थियो । कार्यक्रमको संचालन नगर स्वास्थ्य शाखा अधिकृत (छैटौं) अनन्त खत्रीले गरेका थिए ।
