काठमाडौं : नेपालले १३ औं दक्षिण एसियाली खेलकुद (साग) को पुरुष फुटबलमा भुटानमाथि सानदार जित दर्ता गरेको छ । दशरथ रंगशालामा भएको खेलमा नेपालले ४–० को फराकिलो जित दर्ता गरेको हो ।
नेपालका लागि कप्तान सुजल श्रेष्ठले २ तथा मिक्छेन तामाङ र अभिषेक रिजालले १–१ गोल गरे । खेलको पाँचौ मिनेटमा ६ यार्ड बक्सनजिक अनमार्क रहेको अवस्थामा फिनिस गर्दै गोल गरेका थिए । नेपालले खेलको अधिकांश समय भुटानमाथि दवाव कायम गरेको छ ।
दोस्रो हाफको ५० औं मिनेटमा सुजलले अग्रता दोब्बर पारे । त्यसको १५ मिनेटपछि अभिषेकले डाइभिङ हेडरमा गोल गर्दै नेपाललाई ३–० ले अगाडि बढाए ।
मिक्छेन तामाङले फ्रिकिकमा सिधै गोल गरेपछि नेपालले ४–० को अग्रता लिएको थियो । यस जितसँगै नेपालले ३ अंक जोड्दै शीर्षस्थानमा रहेको छ । भुटानको पनि ३ अंक नै छ । श्रीलंका र माल्दिभ्सको १/१ अंक रहँदा बंगलादेश अंकविहीन छ ।
