धनकुटा । लामो समय हामीले केन्द्रको मुख तायो । अब हामी आफ्नो नगर आफै बनाउन सक्रियतापूर्वक लाग्छौ. । सो कुरा धनकुटा नगरपालिका वडा नं.६ मा निर्मित शिवपार्कका उद्घाटन गर्दै धनकुटा नगरपालिकाका प्रमुख चिन्तन तामाङले बताएका हुन् । सो अवसरमा उनले नगरको स्थायी विकास र आर्थिक उन्नतीका लागि कृषि र पर्यटनमा जोड दिएको बताए ।
प्रमुख तामाङले लामो समय स्थानीय तह जनप्रतिनिधिविहीन रहेकाले जनचाहनाअनुसार विकास निर्माण हुन नसकेको बताए । उनले गणतन्त्र आएपछिको स्थानिय सरकार जनताको आवश्यकता बुझेर कार्य गर्न क्रिाशील रहेको बताए । उनले नगरपालिकाले पर्यटन प्रवद्र्धनको लागी पार्क निर्माणमा प्राथमिकता दिएको बताए । उनले चुलिवनलाई कोशी पहाड कै आकर्षक पार्क बनाउन नगरपालिका लागिपरेको जानकारी दिए । उनले नगरले हुलाकटोलको चुवाको वोटमा ग्रिनपार्क निर्माण भैसकेको बताए ।
अर्को प्रसंगमा धनकुटा नगरलाई एभोकार्डोको राजधानी घोषणा गरेको जानकारी दिदै प्रमुख तामाङले परिचयमोडमा आ.व.०७५÷०७६ को वजेटबाट एभोकार्डोको प्रतिमा निर्माण गर्ने जानकारी दिए ।
सो अवसरमा वडा नं.६ का वडाध्यक्ष नरेश श्रेष्ठले बजारको वीचमा रहेर पनि ओझेलमा परेको मन्दिर परिसर पार्क निर्माण पछि आकर्षक भएको बताए । उनले १ सय ९३ वर्ष पहिले स्थापना भएको शिवको मन्दिरको इतिहासका वारेमा जानकारी दिदै पार्क निर्माणका लागि निःशुल्क जग्गा प्रदान गर्ने शिवनाथ श्रेष्ठका परिवार तथा आर्थिक सहयोग गर्ने दाताहरुलाई धन्यवाद दिए । उनले पार्क निर्माणमा वडाले १२ लाख वजेट उपलब्ध गराएको जानकारी दिदै आगामी दिनमा पनि सहयोग जारी रहने आश्वासन दिए ।
सो अवसरमा वडा नं.७ का वडाध्यक्ष जङ्गगवहादुर राईले नगरलाई सुन्दर र आकर्षक बनाउन नगरवासी आफै पनि जागरुक हुनुपर्ने बताए । यस्तै सामाजिक संघसंस्थाको तर्फवाट नागरिक समाजका अध्यक्ष द्रोर्णप्रसाद गुरागाईले सबै काम नगरले गरिदिन्छ भनेर भन्दा पनि आफ्नो घरआँगन वरिपरी आफैले पनि हेरचाह गर्नु पर्ने बताए ।
यस्तै जग्गादाताहरुको तर्फबाट जग्गादाताको भाई दिपकगोपाल श्रेष्ठले धनकुटालाई प्रदेशको राजधानी बनाउन प्रयास जारी राख्दै पर्यटनको राजधानी बनाउन सबै आ–आफ्नो क्षेत्रबाट अघि बढ्नु पर्ने बताए । उनले धनकुटा देशको सबैभन्दा सफा नगर घोषणा हुनु गर्वको विषय भएको बताउँदे यसलाई सबै मिलेर वास्तवमै सफा गर्नु पर्ने बताए । सो अवसरमा वौद्धिक विकास समाज समितिका अध्यक्ष सुवासचन्द्र जोशीले नगरको अन्य खाली स्थानहरुमा पनि पार्क तथा फलैचा निर्माण गनुपर्नेमा जोड दिए ।
भिमसेनटोल टोलवस्ती संगठनका अध्यक्ष बिनिता श्रेष्ठको अध्यक्षतमा सम्पन्न उद्घाटन कार्यक्रमको स्वागत मन्तव्य विनिता श्रेष्ठले गरेकि थिईन ।
पार्क निर्माणका लागि वडा नं.६ को वडा कार्यालयबाट १२ लाख र स्थानीयवासीको एक लाख ६९ हजार तीन सय ३३ रुपैयाँ गरी जम्मा १३ लाख ६९ हजार तीन सय ३३ रुपैयाँमा निर्माण भएको पार्क निर्माण समितिको अध्यक्ष यज्ञश्वर श्रेष्ठले जानकारी दिए ।
